Torgil Pålsrud Ta med heile familien og opplev museet denne dagen. Det blir hestar, kopplam, vandreforedrag om planter, kafé i Tandberg, prest og husmenn, barneaktivitetar, smed i smia, ope landhandel, eplepressing, traktorar og sal av varer.
Det er også mogeleg å besøke den nye utstillinga om TUBFRIM i 2. etasje i Tandberg denne dagen.
Inngang: 120/80 kr
Markens Grøde fell også saman med Fransmesse, til minne om Frans av Assisi.
Torgil Pålsrud Frans av Assisi
Fransmesse er ein merkedag til minne om den heilage Frans av Assisi (1182-1226). St. Frans var grunnleggjaren av Fansiscanerordenen. Han kalla følgesveinane til faste og bot. I mellomalderen var det fleire kloster i Noreg som høyrde til Fransiscanerordenen. Munkane i ordenen vandra rundt blant folk og preika evangeliet.
Frans av Assisi var venn med dyra. Dyra sin dag er difor lagt til 4. oktober. Dersom det var godt vêr denne dagen, skulle det vare ut månaden.
På primstaven er Fransmesse markert med eit halvt kross, då dagen var mindre heilag enn dei dagane som har heilt kross. Dagen er òg markert med fisk med kross på nokon primstavar.