Bruken av utmarksbeite har vore eit viktig grunnlag for gardsdrift i Hallingdal gjennom mange hundreår. Gardane hadde gjerne to eller fleire stølar. På stølen kunne dei hauste saftig fjellgras, som dei turka og lagra i ei lu. Rundt stølane var det gjerne gode og næringsrike beite. Kyr og geiter hadde det godt på stølen, og produserte mykje mjølk. Det var kona på garden og dei minste ungane som var på stølen. Morgon og kveld vart dyra mjølka, det vart ysta ost, kinna smør og kokt prim.
Denne dagen kan du oppleve:
- Å kinne smør
- Karde ull
- Rebus
- Opne museumshus
- Forteljarstund
- Ope støl
TID: Laurdag 4. juli, 11.00-16.00
STAD: Gol Bygdemuseum
INNGANG: Gratis
OBS
Det er ny atkomst til Gol Bygdemuseum med bil!
Køyr inn på Fv223 som før, men ta av oppover Haugstadgutu.
I ein krapp sving på øversida av Hallingdal Folkehøgskule går det av ein veg til venstre. Følg denne til du finn parkeringa på nedsida av museet.