Biletet er henta frå digitaltmuseum.org Har du tenkt over at det finst mange rare ting på museum? Veit du kva alt blei brukt til, eller kva det er laga av? Med utgangspunkt i gjenstandar frå samlinga til Hallingdal Museum, får elevane eit innblikk i korleis folk utnytta ulike materiale i gamle dagar, og gjorde det om til produkt til glede, nytte og nødvendigheit. Elevane får òg eit innblikk i ein viktig, men mindre synleg del av arbeidet på eit museum.
LÆREPLAN
Undervisningsopplegget skal ta utgangspunkt i læringsmål frå ulike delar av kunnskapsløftet 2020.
TIL LÆRAREN
Alle grupper som deltek i undervisningstilbodet, skal ha med seg ein vaksen, og det er læraren som har ansvaret for gruppa. Ved museet ynskjer me å gje dei unge gode opplevingar. For å få best mogeleg utbytte av museumsbesøket, bør det førebuast på førehand. Snakk med borna før de kjem; kva er eit museum, korleis oppfører ein seg og kva skal skje under besøket? Meld frå i god tid om de har særskilde behov. Me gler oss til å sjå dykk!