Dokken Fjellgard finn du i Sudndalen i Hol kommune. På museumsområdet finn du bygningar og gjenstandar frå garden, frå sist på 1700-talet, samt ei badstove frå Skøro og ei ny smie frå 1985. 

Historia til Dokken strekkjer seg fleire hundre år attende i tid. Frå gamalt av høyrde garden inn under søre Skøro, men vart skild ut som eige bruk i 1770. I 1795 vart garden seld til Ola Ellingson frå nordre Villand i Hovet. Då Ola kjøpte Dokken sto husa nede ved vegen, men Ola fekk flytt garden opp til noverande plassering - og byde husa som framleis står der i dag. Ola Ellingson var ein dugande kar, og vart sett høgt i bygda. Det er ikkje utan grunn at han vart kalla "Sudndalskongen". 

Hol kommune kjøpte garden i 1959 av dåverande eigar, Johannes Myren (1891-1962), og restaurerte alle husa.

Dokken Fjellgard blir drive av Hallingdal Museum.